ச'துறை: குழியில் தவறி விழுந்து இரு குழந்தைகள் பரிதாப மரணம் - sonakar.com

Post Top Ad

Sunday, 10 May 2020

ச'துறை: குழியில் தவறி விழுந்து இரு குழந்தைகள் பரிதாப மரணம்

https://www.photojoiner.net/image/HHPz9eqf

பட்டம் விடுவதை பார்வையிட சென்ற இரு சிறுவர் பாதுகாப்பற்ற கிணறு போன்ற ஒரு குழியில்  தவறி  வீழ்ந்து மரணமடைந்த சம்பவம் ஒன்று சம்மாந்துறை பொலிஸ் பிரிவில் இடம்பெற்றுள்ளது.

அம்பாறை மாவட்டம்  சம்மாந்துறை பொலிஸ் பிரிவிற்குட்பட்ட புளோக் ஜே கிழக்கு -3 பகுதியில் சனிக்கிழமை (9) மாலை 4.30 மணியளவில் இச்சம்பவம் இடம்பெற்றுள்ளது.மேலும் குறித்த குழியில் வீழ்ந்து மரணமடைந்த இரு சிறுவர்களது சடலங்களும் சம்மாந்துறை ஆதார வைத்தியசாலையில் ஒப்படைக்கப்பட்டுள்ளது.

இதே வேளை சம்பவ இடத்திற்கு ஞாயிற்றுக்கிழமை(10) சம்மாந்துறை பொலிஸ் நிலைய பொறுப்பதிகாரி கே.டி.எச். ஜயலத்தின் வழிகாட்டலுக்கமைய சம்மாந்துறை பொலிஸ் நிலைய சிறு குற்றப்பிரிவு பொறுப்பதிகாரி பிரதான பொலிஸ் பரிசோதகர் ஏ.எமு.நெளபீர் தலைமையில் சென்ற குழுவினர்  காலை  அம்பாறையில் இருந்து வருகை தந்த தடயவியல் பொலிஸாருக்கு ஒத்துழைப்புகளை வழங்கி வருவதுடன்    உயிரிழந்த சிறுவர்கள் வீழ்ந்த கிணறு மற்றும் சுற்றுச்சூழலில்  மேலதிக விசாரணைகளை முன்னெடுத்து வருகினறனர்.

சிராஜ் சிபாம் (6) சிராஜ் ரிஸ்ஹி (3) ஆகிய இரு குழந்தைகளே இவ்வாறு உயிரிழந்துள்ளமை குறிப்பிடத்தக்கது.

-பாறுக் ஷிஹான்

No comments:

Post a comment