20ம் திகதி முதல் பல இடங்களில் ஊரடங்கு தளர்வு

எதிர்வரும் 20ம் திகதி முதல் கொழும்பு, கேகாலை, புத்தளம், கண்டி, களுத்துறை, கம்பஹா மற்றும் அம்பாறை மாவட்டங்கள் தவிர்ந்த ஏனைய மாவட்டங்களில் இரவு 8 மணி முதல் காலை 5 மணி வரையான காலப்பகுதியிலேயே ஊரடங்கு அமுலுக்கு வரவுள்ளதாக அறிவிக்கப்பட்டுள்ளது.

இதேவேளை, கொழும்பில் பம்பலபிட்டி, கொட்டாஞ்சேனை, வாழைத்தோட்டம், கிரான்ட்பாஸ், மருதானை, கல்கிஸ்ஸ, தெஹிவளை, வெல்லம்பிட்டி போன்ற பிரதேசங்களில் ஊரடங்கு தொடர்ந்தும் அமுலில் இருக்கும் எனவும் 22ம் திகதி முதல் ஏனைய இடங்களில் காலை 5 மணி முதல் இரவு 8 மணி வரை ஊரடங்கு தளர்த்தப்படும் எனவும் தெரிவிக்கப்பட்டுள்ளது.

இதேவேளை, பாடசாலைகள், திரையரங்குகள், பல்கலைக்கழகங்கள், ரியுசன் வகுப்புகள் அனைத்தும் மறு அறிவித்தல் வரை மூடப்பட்டிருக்கும் எனவும் தெரிவிக்கப்பட்டுள்ளமை குறிப்பிடத்தக்கது.